Blogger Pe Template Kaise Lagaye/Change Karein? (2 Tarike)

Kya aape apna blog blogger pe banaya hai aur uspe ek achchhi theme lagana chahte hain? Kya aap jaante hai ki blogger pe bhi wordpress ki tarah hi aap beautiful themes laga sakte hain aur uske apne choice ke anusaar design (customize) bhi kar sakte hain.

Blog banane ke baad sabse pehli cheez jispe hume focus karna hota hai wo hai humare blog ka design. Apni last post me maine aapko bataya tha ki aap free me blogger pe apna Blog kaise banaye aur aaj is post me mai aapko batane jaa raha hu apne blog pe blogger template kasie upload karein.

Apni aaj ki is post me mai aapko bataunga ki Blogger pe template upload kaise kare. Mai aapko bataunga template change karne ke 2 best tarike jisse ap bina koi problem face kiye blogger template apne blog pe laga sakte hain.

Blogger Template Kaha se Download Kare ?

To ab baat aati hai ki aap blogger template download kaha se karein. Dosto, aaj blogger ke liye 1000 se b jyada beautiful templates availabe hai aur wo bhi sabhi type ke blogs ke liye, fir chahe aapka blog tutorials ka ho, technology ka ho, Gaming ka ho ya fir fashion se related ho.

Waise to blogger template design aur share karne waali bahut saari sites hain lekin niche mai aapko kuchh best aur meri favourite sites bata raha hu.

Aap in sites se koi bhi template free me download kar sakte hain aur apne blog pe laga sakte hain. Sabhi templates ke paid yaani premium options bhi available hain.

Yaha aapko ek baat mai batana chahunga ki free template ke footer (sabse niche) me aapko us template ke designeer ka link milega jo is tarah se coded (encryption) hoga ki aap uso easily remove nahi kar paaoge.

Premium themes me aapko wo links nahi milenge. So, aap free ya paid template apne accordingly le lein.

Jarur Padhein - Blogger Template Kaise Change Kare

Blogger Template Download Sites - Free Blog Templates ke Liye

To ye hain wo 5 sites jiske templates mujhe sabse achhe lagte hain. Aap ye sites visit karein aur apni blog category ke hisaab se koi bhi template download kar lein.

• Sora Templates
• Templates Yard
• ThemeXpose
• Idntheme
• NewBloggerThemes

Jab bhi aap in sites se koi template download karenge to aapko ek .zip format ki file milegi jiske andar template ki documentatios, assets aur main template ki file (.xml format) milegi.

Apap us zip ko Extract kar ke apni template file jo ki .xml format me hogi usko alag rakh lein kyuki isi file ko hume ane blog pe upload karna hai.

To ab aapke paas aapki template file hai, to chaliye jaante hain ki kin 2 tariko se aap blogger template laga sakte hain apne blog pe. Ye same process aapko apni present ki theme change karne me lagega.

Blogger Template Kaise Lagaye / Change Kare - 2 Tarike

Sabse pehle aap apne blogger account me login karein. Blogger.com pe jaayein, apni gmail id se login karein aur apna wo template select karein jiska template aap change karna chahte hain.

Okay, ab is page pe aapko apne screen ke left side ki table me 'Theme' ka option dikhega, uspe click karein.

Theme pe click karne ke baad next screen pe aapko niche diye screenshot ki tarah top-right side me Backup/Restore ka ek button dikhayi dega. Aap uspe click karein.

Jaise hi aap Backup/Restore pe click karenge, aapke screen pe ek pop-up aayega jaise ki niche ke screenshot me hain. Aapko waha 'Choose File' pe click karke apne template ki .xml file select karni hogi jo aapne pehle download kar ke rakhi hui hai. Uske baad Upload pe click karein.

That's all. Aapka blogger template ab upload ho chuka hai. Aap 'View Blog' pe click karke apna new design check kar sakte hain.

Blogger Template Change Karne ka Ek Aur Tarika

Template ko directly upload karne ke alawa lagane ka ek aur tarika hai jo ki mera favourite tarika hai aur kyu hai, wo bhi mai aapko bataunga. Lekin, pehle dekhte hain ki wo doosrea tarika aakhir hai kya.

Dosto ye bhi bahut hi simple hai.

Aap apni template ki .xml file pe right click karein aur usey "Open with Notepad' karein. Isse us template ka code aapke notepad me open ho jayega.

Ab aap us code ko 'CTRL + A' press karke copy kar lein aur Template > Edit HTML me jaake puraane code se replace kar dein. Is tarah bhi aap apna template upload ya change kar sakte hain.

Ye tarika favourite hai mera kyuki isse template ekdum fresh install hota hai aur last template ka koi code ya widget aapke new blog me import nahi paata.

Blogger Template Basic SEO Settings

Dosto, Template lagane ke baad aapko apne blog ka basic set up jaise ki Title aur Description, Meta Tags, Robot Tags, aur bhi bahut kuchh set up karna padega.

Mai apni next post me bataunga ki kis tarah aap apne new blogger template ka basic SEO kar sakte hain jo ki bahut hi important hai.

To dosto, mai ummeed karta hun ki aapko ye post jarur pasand aayi hogi aur apne blog pe template upload karne me aapko kisi tarah ki problem nahi hui hoga.

Fir bhi, agar aapke koi sawal ya doubts hai blogger template upload ya change karne se related to please mujhe comment dwara bataein aur mai aapki jarur help karunga. 'Blogger Template Change Kaise Kare' is post ko apne blogger friends ke sath share karna na bhule.